Brussels, February 15 (Agencies): Bosnia linüki European Union (EU) nung züngsemtsü asoshi tanü, Hombar nü onük benokogo.
Linük 28 tashi züngsemba EU nung par linüka züngsemtsü onükji Bosnia Tir, Dragan Covic-i Netherlands Foreign Affairs Minister, Bert Keonders den benoka liasü.
Bosnia-i 2000s mapang tetenzüklena EU nung züngsemtsü merang saka Serb, Croat aser Muslim kin rong nung mangatettep aser tebendang tulu adokba ajanga par linüki iba alizüngji majangzükteti süidaktsü.
“Croat, Serb aser Bosniak kin tenüng nung ozü Bosnia EU nung züngsemtsü onük pelashishia benoker,” ta Covic-i metetdaktsü.
“Bosnia-i nungdakba temelenshi agia EU nung züngsemtsü mapatong tenzükba atema kanga pelar,” ta tang EU Tir menden abenba Netherlands linük yimsüsür, Keonders-ia lemsatepa liasü.
You must be logged in to post a comment Login