December 5 (Agencies): Cross Catholic Outreach indang Box of Joy ministry-i taküm sensaktia nung aliba tanur 60,000 dak tema nem Khristmas tepela agütsütsü.
Yaküm parnoki Haiti, Dominican Republic aser Guatemala nung state 48, arogo, schools aser telok 315 nem drop-off centers 73 ajanga tanur 31,712 nem sempettem agütsü.
Taküm parnoki Nicaragua bendenlokogo aser parnok tanur 60,000 nem teyari agütsütsü sentong lir.
2017 küm tetenzüklen Box of Joy outreach mendenbuba Steve Bostian-i Dominican Republic semdanga kazütsü, sempet aser osangtajung enoka aliba Christmas box meyirjang aika tangar memenepba tanurtem nem agütsü.
“Tanur million aika anogoshia sensak tia nung alir aser parnok nem Khristmas temoatsü agütsütsü mapang tajung lir” ta Bostian-i ashi.
Box of Joy Ministry-i tanur 60,000 tema nem sempet agütsütsü added by nungsang on
View all posts by nungsang →
You must be logged in to post a comment Login