BPHAN 2 buba Leadership Conference cum Seminar agi

Dimapur, March 10 (TYO) : March 9 & 10, 2017 anogotem Bethel Prayer Home for All Nations, Dimapur nung 2 buba Two Days Leadership Conference cum Seminar agiogo.
Annual Meet sentong nung India aser Nepal nung Bethel Prayer Home Unit tem aden. Parnokji Nagaland, Arunachal Pradesh, Orissa, Chhattisgarh, Assam, West Bengal, Haryana aser Nepal nungi lir.
Sentong nung shisalen sayurtemji Dr. Lulen Jamir aser Mrs Imtijungla na liasü aser tenati onük balala nung ajemdaker Laishiba tesayubatem agütsü.
Iba sentong nung shisalen agütsürtem aser adenrtem ajak dang Bethel Prayer Home-i pelar, ta parnoki sangdong ka nung metetdaktsüogo.
Bethel Prayer Home-isa DABA sannükertem- Rev. N. Tzudir aser Rev Wati Kichu nati sentong nung arua shilem agiba, ayongzükba aser sarasademtsüba atema pelaba shisemer, ta metetdaktsü.