BPL alirtem nem angati jang-o-tzü lema agütsü

Longleng, Rongchii/April 12, 2020 (TYO): District Administration, Longleng den Phom Students Conference (PSC), Phom People’s Council (PPC), Phomla Hoichen aser Phom Baptist Christian Association (PBCA) longjemer April 11, 2020 nü Longleng jila kübok BPL alir 700 nem angati jang-o-tzü aser tanga nüngdakba osettsüsettem lema agütsü.
BPL alir 700 nem lemtsür tanüngba jang-o-tzü aser nüngdakba osettsüsettem ya angati alemtsü asoshi Tamlu sub-division-i yoktsü, ta DPRO sangdong ka ajanga metetdaktsü.