Brad Pitt aser Jennifer Aniston na tesendaktep yanglushi

March 02, 2017 : Osang ajanga ashiba agi, Brad Pitt aser Jennifer Aniston na tanaben tesendaktep yanglu tenzükogo. Kinungtsü Angelina Jolie den balaba sülen Pitt-i taoba kinungtsü Jennifer den tama jembia iba tesendaktep tenzük.
Brad aser Jennifer na mebala tsüngda 2000 nungi 2005 tashi kibong kümer liasü. 2005 küm Mr & Mrs Smith film yangluba sülen Pitt-i la doktsür Jolie den ali.
Iba sülenbo Brad aser Jen na text-a mesütepi liasü. osang ajanga ashiba agi, tawa dena text sütep tenzükogo. Pitt ket nung Anistong indang number maliasü, saka February 11 nü Aniston 48buba tasoba anogo nü la den jembitsü asoshi web nung külem medemertem ajanga la indang number bushiteta jembi.
“La tasoba anogo nung wish asüba sülen nungi tena jembi tenzük,” ta Bodhbarnü miim osang ka ajanga ashi.
Küm 53 tain Pitt tang ya Jolie den tanurtem dak sendakba ken o metembangi lir. Tena tanur Maddox (15), Pax (13), Zahara (12), Shiloh (10) aser küm 8 tain jakrep Knox aser Vivienne nunger shiba den alitsü iba ken o metembangi lir.
Pai Jen dak kanga temolung alemer, “Brad-i la dang pa balaba nung timtem ajuruba indang shia ano taoba mapang bilemteta text belentep,” ta kasa osang ajanga ashi.
Jennifer Aniston tang Justin Theroux den kibong kümer lir.
Tena kibong kümer küm ana jungogo, aser la tasoba anogo aser Valentine’s day amungtsü asoshi Mexico nung Cabo San Lucas-i ao. Iba dak sendakba nung Day Justin-i koma bilemtsü ta jembiba nung tena medemer asüba atema pai kecha tamajung mebilemer, ta osang ajangasa ashi.