Brad Pitt-i Donald Trump tebilemba metetner

Los Angeles, Sept. 8, 2016 : Oscar Award ngua alisang, actor Brad Pitt-i US Republican party nungi Tir menden asoshi toktepsang Donald Trump tebilembatem kanga junga metetner.
“Asen linük meyipa agia, ta asübaji pa kechi tebilemba nung ashir ? Kari kü dang ibaji rateta ashitsü asü ? Asen linük koleni ao ?,” ta Pitt-i New York Times T Magazine dang ashiba wrap.com osang ajanga metetdaktsü.
“Tang yabo asenok ajaki ajak angateta aliba mapang ka lir. Ajisüaka pai jembiba o nungji asenok tsüngda tepila adoktsütsü keta lir,” ta pai ashi.
European Union nungi Britain atsüngba, Brexit indang jembidang Pitt-i, “Asenoki Brexit ya kodanga mataloktsü amai bilema liasü aser iba amaji ni Trump-i White House atema menden rakteptsü indang kodanga bilema mali asü,” ta ashi.
“Ibaji mesüka ano ni Trump yimsüsür akümtsü ta tebilema mebilemner. Asenok lungjembaji tajung saka pilabaji tamajung ta angatettsüla. Iba oren ya ‘The Big Short’ film nunga lir,” ta “Fight Club”, “Moneyball”, “The Curious Case of Benjamin Button” aser “12 Years a Slave” film tem nung shilem agia alisang, Pitt-i kasa osangbener den jembidang ashi.
“Tensa mejungi akümba mapang kechi ajanga teraksaji adokar memetetba ajanga asenoki film yanglutsü tenzüker,” ta Republican candidate-i immigrants tem dang tsükchir ta ajangba indang jembiba mapang ashi.