Brad Pitt-i motorbike ka pound sen 250,000 yong ali

September 17, 2015: Hollywood superstar, Brad Pitt-i World War II mapang Nazi Party indang motorbike ka pound sen 250,000 yong aliogo.

Arishi küm 51 Pitt-i iba bike ji auction ka nung ali, ta Female First osang ajanga ashi.

“Fury” film nung shilem agiba sülen nungi tenzüka Brad Pitt-i akhi rara mapang nüngo osettem alizüker, aser pai 1942 küm German reconnaissance unit kati Crete nung tenem aser lisem lima nung amshiba tetsüng asem aketba motorbike ka aliogo.

Iba bike ji Nazi Party-i 1945 küm local auction ka nung ayok aser tesülen Athen nunger bike bendener ka tenüng agi Yannis ket atong aser tang tesüsa Hollywood actor Pitt-i alizükogo.

Yannis-i, “Alima nung item ama bike 500 shi dang lir, anungji itemji akhi nüngo oset bendenertemi sapua bendenba paintings ama lir aser mapang ajak nung jenjang atutsü akok,” ta ashi.

“Osetji original süra shilem tem (bike parts) sen tasak asütsü. Iba bike nung merang tila ka melentsüsa aküm aser ibaji nungji ni pound sen 1500 shi intokogo,” ta paisa ashi.

Pitt ket nung bike balala 10 shi lir aser par jabaso tambusang arishi küm 14 Maddox ket nunga Suzuki DRZ-125 bike ka lir.