Brad Pitt-i pa sapur tetsür ka kümzük

Madrid, May 24, 2016 : Actor Brad Pitt-i shilem tagidak film “Allied” tangokba reprangi arur film meimer telok tulu nungtepdang menüngsettsü aliba aiür chanu ka Brad Pitt-i kümzükba ajanga nisung ajaki pa tenüng ano tali ajungkettsüogo.

Spanish Canary Islands nung Gran Canaria yimtiba Las Palmas nung Pitt film tetangokdak reprangtsü atema nisung telok tuluka adenshi, ta mirror.co.uk ajanga metetdaktsü.

‘Allied’ film nung Pitt-i intelligence ketdangser Max Vatan ama shilem agir aser iba film tangokba reprangi arurtemi pa den selfie tangoktsü aser pa noksa tangoktsü kanga nungtepba mapang iba lendong ya atalok.

Iba tetsür ya lokti jagi yaji aliba merang atsüzüng nung menüngsettsüba liasü saka shingaia mongui lia Pitt-i tama ngur la anitet, ta Spain osangkaket Canarias7.es ajanga ashi.

Pai aiürla dak amit aser pa indang bodyguard temi dena yarisema la lenmangi anitet.

Iba film ya London nung tangoktsü tenzük ajisüaka film nung nüngdakba ama Gran Canaria aser Fuerteventura  tesemtem nunga tangoktsü atema iba asetkong yangi aruba lir.