Brad Pitt-i ‘World War Z 2’ film nung Cara Delevingne aniokner

Los Angeles, March 29, 2016 : Hollywood star Brad Pitt-i “World War Z 2” film nung tongti shilem agitsü asoshi Cara Delevingne nübu aginer.

Radar online ajanga ashiba agi, arishi küm 52 tain, actor Brad Pitt-i “Paper Towns” film nung shilem agila, Cara dang “World War Z 2” nung shilem agitsü asoshi asüngdangogo.

“Cara dak aketba sempet ano shingaia kanga junga metendang aser Brad-i la pa shikang kübok aniokner,” ta kasa osang ajangasa ashi.

Cara-i par company den inyaktsü mulunga sign asütsü ta Brad-i imlar.

Arishi küm 23 tain, Cara-i “World War Z” film tarensentem nung shilem agitsü magizük, ta osang kar ajanga metetdaktsü.

La mapang madokba ajanga iba film nung shilem magitettsüsa aküm.

“Paper Towns” aser “Pan” film tem sülen ano asenoki la “Suicide Squad”, aser Luc Besson-i direct asüba “Valerian and the City of a Thousand Islands” film na nung angutsü.

Brad Pitt-a comedy war film “War Machine” ka nung shilem agiba asenoki memonoi angutsü.