Brahmaputra anepaluba nung Nagaland-ia shilem tulu agitsü

August 27, 2019 nü Civil Secretariat, Kohima nung Chief Secretary, Temjen Toy, IAS-i State level consultation senden nung jembidang agiba noksa angur.

Dimapur, August 27 (TYO): Rejuvenation of River Brahmaputra atema Nagaland nunga Detailed Project Report (DPR) ka renemtsü atema tanü senden ka menogo.
Kohima nung Chief Secretary indang Conference Hall nung state level consultation sendenji amen.
Naga nungertemi tzü indang tebilemtsü ya mangateti lir saka iba khuret ya tuluba küma aoer. Kümtem süia arudang tzünglu aruba ajema akümer. Iba ama mapang ka nung Brahmaputra Rejuvenation Project ya inyaktsü sentong lir aser iba nung Nagaland-i tongtipang shilem ka agitsü, ta Chief Secretary, Temjen Toy-i ashi.
Tsüngsang-mopung melenshiba khuret atema mapa inyakba nung Nagaland nung yimdaklirtem aser ali kiburtem dena lir ta pai ashi.
Iba senden nung Scientist- E & Project Coordinator, Dr. Dhruba J. Das-i power point presentation ka sayudang Nagaland state nung amalitepa mapa inyaktsüba indang osang lemsatep.
Ministry of Environment, Forest and Climate Change (MoEF&CC), GoI-i Indian Council of Forestry Research and Education (ICFRE), Dehradun dang linük nung forestry maparen ajanga tongtipang ayong 13 anepalutsüba indang Detailed Project Report yanglutsü mapa lemzüktsü. Ayongtemji Beas, Chenab, Jhelum, Ravi, Sutlej, Yamuna, Brahmaputra, Mahanadi, Narmada, Krishna, Godavari, Cauvery aser Luni lir, ta Dr. Dhruba-i ashi.
ICFRE kübok Rain Forest Research Institute (RFRI), Jorhat-i Brahmaputra ayong indang DPR yanglutsü mapa lemzükja lir, ta paisa shisem.
Senden nung PCCF & HOFF, Nagaland Forest Department, Rajat S Pal-ia o jembidang “Nagaland nung iba mapatong atema telemtetbatem agidang ayongtem jangjatsüla aser ali kibur metettsüla” ta ashi.
Iba senden ya Rain Forest Research Institute (ICFRE) Ministry of Environment, Forest and Climate Change, GoI, Jorhat, Assam-i Nagaland sorkar den yaritepa ayongzük.