Brahmaputra Board senden menogo

Dimapur, Aami/June 29 (TYO): Aami/June 29, 2018 nü Department of Irrigation and Flood Control Nagaland-i ayongzüka, Niathu Resort, Dimapur nung 66buba Brahmaputra Board senden menogo, ta ketdangsertem osang ka ajanga metetdaktsü.
Iba senden ya Brahmaputra Board Chairman, Rajiv Yadav leniba nung amen. züngsemtem agizükba o jembidang pai, Brahmaputra Board tenteti region nung aliba state vital resources jangjatsüla aser state temi item resources nungi akokba tashi tajangzük timtiba agitsüla, ta ashi.
Brahmaputra Board nung Chairman dak alia vice chairman, Central government/ ministry/organization/agency nungi züngsemtem aser Brahmaputra Board nung regular members, Guwahati aser Shillong nungi B.B officials, Resources Department of North Eastern State nungi Chief Engineers of Water aser state department of irrigation and flood control nungi officials densema lir.
Brahmaputra Board züngsemtemji northeast tesem balala nungi lir, aser senden nung taoba 65buba Brahmaputra Board senden nung telemtetbatem nungi tongtibang onüktem aser teinyaktetbatem nung o lemtepa liasü.
Brahmaputra Board-i flood management, erosion control, drainage management aser water resources development dak sendakba nung asalentong yanglua inyaker, aser tanü iba senden nung onük balala nung o lemtepa project report renema liasü.