Brahmaputra nung 4-Lane Bridge yanglutsü atema Cabinet-i agizükogo

Guwahati, March 01 (Agencies): Economic Affairs nung India Ato Kilonser, Narendra Modi leniba kübok Cabinet Committee-i February 28, 2019 Brihostibarnü Brahmaputra ayonga alema Dhubri aser Assam-Meghalaya tsüngda NH-127 B Phulbari tesem tsüngda densema four-lane bridge yanglutsütsü atema agizükogo. Iba apu tasazükji metong nung km 19.282 shii asütsü.
Brahmaputra ayong alema tenzüktsü ailba bridge project yagi gari nung km 205.3 lenmang mekuna senzütsü aliba tetsüngda km 19.282 agi tatsüba kümtsütsü aser Dhubri (Assam) aser Phulbari (Meghalaya) tsüngda senzüba mapang ghonda 5 sür minute 20 alangzüktsütsü.
North-East Road Network Connectivity Project Phase-03′ indang scheme kübok iba bridge yanglutsütsü. Iba project ya küm 6 shii agia renemtsü.