Rio de Janeiro, March 4 (Agencies) : Brazil sorkar meyong totzü company Petrobras nung ochimashi mapa inyakba ken o nung ajemdaker taoba Brazil Tir, Luiz Inacio Lula da Silva puogo.
Hokolbar nü federal police agent-temi taoba Tir Lula’er ki mita ao aser pa dang asüngdangya asütsü atema apu. Lula-i 2011 küm Tir menden toktsü aser pai pa anema agüja aliba ochimashi kenoji magizüker ta metetdakja lir.
Petrobras nung ochimashi aser sen mashileni amshiba ken o ji mapang talangka bushisüngdangyonga arur aser iba mapa dang Operation Car Wash ta ajar.
Petrobras nung contract balala agiba nung ajemdaker Brazil nung tongti ketdangser aser yimsüsürtem aika pua lir. Item ketdangser aser yimsüsürtem jagi Petrobras nungi parnok ajangzükba senji süpokrem aser election nüboyimba sentongtem nung amshi ta bushisüngdangertemi tai tonglokja lir.
Arishi küm 70 tain Lula-ia ozüng alema sen aika anguba kuli lir ta police-i metetdaktsü.
Rio de Janeiro, Sao Paulo aser Bahia state-tem nung search warrants 33 aser detention warrants 11 amer federal police agents 200-i mapa inyaker ta ketdangsertemi ashi.
Bushisüngdangertemi Hokolbar anepdang Sao Paulo anasa, Sao Bernardo do Campo nung Lula’er ki mita ao. Parnokisa Sao Paulo nung Lula indang institute headquarters aser pa kinungtsü, Marisa aser jabasotem indang kiojentem mita reprangba osanga angazükogo.
You must be logged in to post a comment Login