Brazil nunger Ronaldo-i India semdangtsü

New Delhi, November 02 (Agencies): Football asayar mongin, Brazil nunger Pele sülen anidaka, külem sensopur, Ronaldo-ia India semdangtsü sentong renemba osang ka Times of India osangi metetdaktsüogo.
Osangi ashiba agi, Mumbai City FC telok den tan November ita 6 nü asayaba Indian Super League (ISL) asayamong asaya nung Delhi Dynamos telok indang tetushi tesemdanger ka ama taoba Selecao superstar, Ronaldo-i shilem agitsü renema lir.
Tan asayamong nung shilem agiba FC Goa aser Chennaiyin FC natia par telok asayar rong nung Brazil asayartem anioksema lir.
Ronaldo-i tan India semdangba ajanga India linüka alimar football sabang nung tongti shilem agitsü tenzükba kuli angur.