Brazil Sports Minister, Hilton-i yimsüsütsü menden toktsüogo: Rousseff

Rio de Janerio, April 01 (Agencies): Brazil sports minister, George Hilton-i yimsütsü menden toktsüba osang ka Brazil Tir, Dilma Rousseff-i tanü, Hokolbar nü metetdaktsüogo.
Brazil-i 2016 Olympic Games taküm August ita 5-21 nü tashi agitsü ayonga lir aser iba tongti asayamong asayatsü ita 4 shi anünga alidang Hilton-i sports minister menden toktsür lir.
Ajisüaka, Hilton-i sports minister menden toktsüba ajanga Rio Olympics asayamong nem tetsükdakba kecha bener marutsütsü ta mongitemi metetdaktsüogo.
“Hilton dang pai abenba yimsüsütsü menden toktsütsü asoshi tan Bodbar nü metetdaktsü aser pa dang tuyuba ama, Hilton-i sports minister menden toktsüogo,” ta Rousseff-i osang jangjashitsü.
Linük rongsen ketsüng nung aibelenba ken o nung ajemdaker Rousseff Tir menden nungi anentsüsü ken o benoka aliba osanga jangjaogo.