Brazil tepuokdak ketdangser ka mapa nungi anentsü

Brasilia, January 11 (Agencies) : Brazil nung New Year anogo nung tepuokdak ka nung nisung aika jena aoba tatalokba atema tepuokdak tongti ketdangser ka mapa nungi anentsüogo, ta sorkar osang ka ajanga ashi.
January 1 nü tepuokdak alir nisung 56 tepsetba aser 112 jena aoba Anisio Jobim prison nung interim director Mongulbarnü mapa nungi anentsüogo ta parnoki metetdaktsü.
Jose Carvalho Da Silva mapa nungi anentsüba osangji Public Security Secretary, Sergio Fontes-i ashi.
Fontes-i ashiba agi, director Silva jagi tepuokdak telungi prangpong-injang aser mozütem bener arutsü temelaba agütsü.