Brazil Tir menden metoktsütsü: Rousseff

Brasilia, April 19 (Agencies): Brazil Tir, Dilma Rousseff-i Brazil Tir menden metoktsütsü lemtetba osang ka metetdaktsüogo.

“Ni Brazil Tir menden metoktsütsü,” ta shia, la Tir menden nungi anentsü asoshi benokba ken o anema raratsü renemba osang ka lai metetdaktsü.

Brazil’er Chamber of Deputies 367-i tanüngba Deputy 137 madak temaba jenjang ngua Rousseff Tir menden nungi anentsütsü mapatong tenzüktsü asoshi taoba Deobar nü lemtetba osang jangjaogo.

Ajisüaka, lai aibelena inyaka mali ta shia, la anemertemi la yimsüsütsü menden nungi tashiyim agi atsüngoker yimtenren tajangzük angutsü nükjidong nung la anema tang ken o benokba olen ka Brazil’er mezüngbuba tetsür Tir, Rousseff-i metetdakja liasü.

“Ni anemertemi ni anema kanga sashia nokdakba ngua ni kanga jashir kechiyong tang ni anema benokba yimsüsütsü menden nungi anentsütsü ken o ya tamendakdak maliba ken o ka lir,” ta lai ashi.

Rousseff aser lai aniba Workers’ Party yimtenren teloki ozüng alema sorkar senpong nungi sen agizüka kasaji tarutsü election nung amshitsü asoshi mima rizünger ta shia, la anemertemi Rousseff aija lir.

Rousseff aser lai aniba Workers’ Party teloki Brazil madak küm 13 buba tashi yimsü asüba osanga bushiteta lir.