Brazil:Police helicopter ka tsükokdang nisung 4 asü

Rio De Janeiro, November 20 (Agencies) : Honibarnü Brazil tzüküm yimti, Rio de Janeiro nung temesepba mozü amshirtem aser ayokertem mita aoba mapang police helicopter ka tsükokdang iba helicopter nung mena aliba police ketdangser parnok pezü tashi asü.
Iba lendong ya Ciudad de Dios nung yimti anüolen favela tesem nung temesepba mozü amshirtem den injang agi raraba sülen atalok, ta Xinhua news agency osang ajanga metetdaktsü.
Tan tsükokba Military Police helicopter yagi ali nung duty aliba police tem nem tetuyuba agüja liasü aser ajungbena ali nung lua anentsü merangdang tsükok.