Brexit vote ajanga ‘Game of Thrones’ mekongshitsü

London, June 26 (Agencies): Britian-i European Union (EU) toktsütsü atema telemtetba agiba ajanga Northern Ireland nung shilem kar tangokba TV show ‘Game of Thrones’ mekongshitsü, ta variety.com osang ajanga metetdaktsü.
Hokolbarnü cable network-i, UK-i European Union funding nung madentsü lemtetba ajanga iba ashor takoksa mangutsü, ta ashi.
“EU Referendum ajanga HBO-i produce asüba Game of Thrones mekongshitsü ta onoki bilemer,” ta iba series direct asürtemi  ashi.
Productions karbo kongshitsüa akok saka Game of Thrones den sentaktepa alirtemi, tesüiba season ishika nung European Regional Development Fund (ERDC) nungi teyari menguaka item series-i takok nguogo, ta ashi.
Kaketzülur, George R R Martin indang bestselling series nung ajemdaker yangluba HBO series Game Of Thrones ajanga Chiba yimli tenet aser tamarenertem Iron Throne atema raktepba ostü ashir.
Game Of Thrones nung nüknürar, yimtenren, tesempa, mangyangba, asütokshi aser kibong otsütem lir.
Tang iba series 6buba season kobi melii tenzüktsü.