‘Bridge of Spies’ film atema Spielberg-i India semdangtsü

September 27, 2015: Hollywood actor aser film yanglur Steven Spielberg sapurtem alima tesem ajaklen lir aser India nunga pa sapurtem atema osang tajung kaji kobi melii pai India semdangtsü.
Osang ajanga ashiba agi, Spielberg India-i arua pa indang thriller film “Bridge of Spies” ajungkettsütsü akok.
Arishi küm 68 Spielberg-i tesüsabuba India semdangbaji March 2013 nung pa Oscar takok anguba film “Lincoln” dak sentakba nung semdanga liasü.
“Steven Spielberg-i iba film (Bridge of Spies) India nunger dang sayutsü jangrar aser pai India semdangtsü sentong lir,” ta India nung iba film otongdari ashi.
“Bridge of Spies” film nung Tom Hanks-i tongti shilem agir aser India nung iba film October 16 nü sayatsü.