Brig Surender Singh-i Sainik School Punglwa semdang

Kohima, Aenjeti/January 15 (TYO): Group Commander NCC Gp Kohima, Brig. Surender Singh Dhankhar-i Aenjeti/January 15, 2019 nü Nagaland nung mezüngbuba Sainik School COY, Punglwa semdanga liasü. Surender-i iba school semdangba ya tan mezüng asütsü.
Officer Surender school tonga aruba mapang Senior Division NCC cadets-i ‘Guard of Honour’ agütsü aser Sainik School Punglwa, Principal, Group Captain, Sharad R Keskar-i pa agizüka liasü.
Officer Commanding, Sqn Ldr Sanjeev Chaudhary-i school nung inyakyimtem aser NCC indang Surender Singh dang rasa ashi. Kasa mapang pai NCC Office , Academic Blocks aser School campus tem semdanga liasü.
Iba mapang Surender-i cadets aser ANO’s den sensaksema aser NCC cadets tem dang tajungshiba o shia liasü.
Pa aruba nüngtem nung chiyongtsü renemtsü aser chiyongba sülen, Sainik School Kunjpura nungi Ex-cadet, Surender-i cadets tem dang sepia nung adentsü atema ajungshia jembi.
Paisa, NDA (National Defence Academy) nung adentsü merangdang cadets tem pei dak temulung lema inyaktsü atema tetuyuba agütsü. Surender-i school semdangba tepela temaitsü sayua Principal, Gp Capt Sharad R Keskar-i memento ka agütsü.