Brilliance Dental Care Clinic lapok

Dimapur, November 13 (TYO): Nov. 13, 2019 nü GS Road, Opp. New Market Dimapur nung Dr Shanben Lotha-i Brilliance Dental Care Clinic lapokogo, ta osang ka ajanga metetdaktsü.
Yimti nung nüburtem nem tepo anepaluba service tajung agütsütsü nükjidong nung iba clinic lapoker aser iba clinic nung arishi küm telemsa balala ajak asoshi advanced dentistry aser implant services lir.
Iba sentong nung tetushi tejaoker Dimapur Municipal Council (DMC) Administrator, Albert Ezung-i clinic semzüktsü.
Albert Ezung-i, Dr Shanben Lotha ama lanur kati temelung ulua sorkar sectors nung meimlai entrepreneurship nung ajemokba atema pa nem tenüngsang agütsü.
Ezung-isa, iba clinic ya Dimapur sensotem atema temoatsü ka asütsü aser medical teyari tajung angutsü, ta ashi.
Associate Pastor Yanbemo Ovung, LBCD-i temoasü meshia aser clinic meshitetja sarasadem.
Iba sentong ya DNSU General Secretary, B Mhajan Tsopoe leniba nung agia liasü.
Brilliance Dental Clinic nung tepo timtem alirtemi treatment atema osettsüset tajung angutsü aser service balala- dental implants, clear braces, child dental needs aser smile design densema service balala angutsü.