Brisbane International nung Rafael Nadal tsükogo; Milos quarter-i iogo

Brisbane, January 06 (Agencies): Grand Slam champion ter ser pezüben abensang Rafael Nadal, Hokolbarnü Canada nunger Milos Raonic den asayaba nung tamakok alua Brisbane International nungi tsükogo.
World No. 3 Raonic aser Nadal tiben asaya aruba nung Raonic-i Nadal tanabenbuba akoker asütsü aser tena ghonda 2 asür minute 21 asayaba nung Raonic-i 4-6, 6-4, 6-4 agi koka liasü.
Brisbane Internation nung tang defending champion Raonic-i asemben buba maneni final asayatsü asoshi World No. 7 Grigor Dimitrov den semi-final asayatsü.
Teburtem asayaba match tanga ka nung World No. 3 Kei Nishikori-i Australia nunger Jordan Thompson matak 6-1, 6-1 agi takok angu. Quarter-final nung Britain nungi Kyle Edmind madak 6-7, 6-4, 6-4 agi takok ngur alisang World No. 2 Stan Wawrinka den Nishikori semi-final asayatsü.