BRIT Awards pezü atema Adele nominate süogo

January 15, 2016: 2016 Brit Awards pezü atema Adele shima lir, iba den külemi Years & Years aser James Bay nungera award pezüzü aser Calvin Harris den Jess Glynne nata award asemsem atema shima lir.

Adele indang kensep ’25’ kanga junga takok ngua liasü, aser ibayongji 2016 küm la  nomination aika nung denogo.

Arishi küm 27 Adele indang tasembuba kensep 25 ita ana tejaklen sayaa liasü, ajisüaka mapang tatsü ka tsüngda iba kensep copy million aika yokogo. Item rongnung UK kija nunga million 2.5 yokzükba densema lir. La indang kensep 25 ji Best British Album atema shima lir iba den külemi Best British Female, Hello ken ajanga Best Single aser Best Video atema-a shima lir.

Award agütsüba sentong nung lai-a shilem agia ken atentsü.

Best International Male award atema Justin Bieber den Kendrick Lamar, Drake, The Weeknd aser Father John Misty shima lir. Ano Best International Female atema Ariana Grande den Bjork, Lana Del Rey, Courtney Barnett aser Meghan Trainor nunger shima lir.

BRIT Awards 2016 ya February 24 aonung London, O2 Arena nung akatsü aser iba sentong nung kentener nüngtugu asür, David Bowie nem-a akhüm agütsütsü.