Britain chubachir, Prince George sangküm nungi school-i aotsü

Britain chubachir, Prince William aser kinüngtsü, Kate nati jabaso, George (Abelen) aser jala, Charlotte na den Kensington Palace kimalen October, 2015 nung agiba noksa ka yangi angur. (Kensington Palace, December 18)

London, December 18 (Agencies): Britain chubachir, Prince William aser kinüngtsü, Kate na jabaso, Prince George sangküm, 2016 küm nungi tenzüka nursery school nung azüng tenzüktsü sentong renemba osang ka metetdaktsüogo.
Britain chubatsür, Queen Elizabeth’er semchir aser Britain chubamenden senmanger tarensen nung 3 buba, arishi küm 2 tain George-i Britain anüdoklen, Norfolk chubaki anasa tentetba Westacre Montessori School Nursery nung azüngtsü ta Prince William’er office-i osang jangjashitsü.
“George ozü nursery school nung zünga tanüngba tanurtem den sako tesayuba agütsütsü yongyar,” ta Westacre Montessori School Nursery-ia metetdaktsüogo.
Prince William-ia London nung tentetba Mrs Mynors nursery school aser Kate-i Jordan kübok Amman nung tentetba nursery school ka nung zünga liasü.