Britain linük nung Queen Elizabeth II-i talangtiba yimsü asür

Britain linük nung Queen Elizabeth II-i Chuba yimli nung mapang talangtiba yimsü asüba otsü tasen yangluogo.
Taküm September 10, 2015 nü la ya Britain linük otsü nung kijai mapang talangtiba yimsü asür tetsür rongnung la asütsü aser la taküm September nungji küm 88 ajungtsü aser iba jagi Chuba yimli nung yimsü süa arur nunga talangtiba taküm alirji la asütsü.
Elizabeth II tenüng shitakbabo Elizabeth Alexandra Mary lir, la April 21, 1926 küm aso. La küm 25 asüdang February 6, 1952 nungi la tebu King George VI sür tebu menden melenzüka aben. La Britain aser tanga linük Canada aser Australia nung Chubatsür korang June, 2 1953 küm angu. Commonwealth of Nations züngsem 53 rongnung Elizabeth ya züngsem 16 buba lir.
Commonwealth & Supreme Governor of the Church of England nung la tongti süa inyaker. 1945 küm lai World War II mapang Women’s Auxiliary Territorial Service (WATS) kübok nung gari tanishir inyaka liasü.