Britain nunger Crutchlow-i Czech MotoGP takokba angu

Brno, August 22 (Agencies): Britain nunger motorbike toktepa anishir, Cal Crutchlow-i alizüng mezüng tonga Czech Republic kübok Brno nung ayongba Moto Grand Prix (GP) takokba yashi, Deobar nü agizükogo.
Honda telok tenüng nung motorbike anishisang, Crutchlow-i tan takok anguba ya pai mezüngsüa MotoGP takokba ajangzüker lir.
Crutchlow sülen anidaka, Yamaha telok motorbike anishir, Italy nunger Valentino Rossi-i 2 buba aser Ducati telok motorbike anishir, Italy nunger Andrea Iannone-i 3 buba jenjang ngua liasü.
Tan tetoktepba nung takok monguaka, Honda telok motorbike anishir, Spain nunger Marc Marquez-i overall shilem nung points 197 ajangzüka, 2 buba jenjang nung alisang, Rossi aser 3 buba jenjang abener, Spain nunger Jorge Lorenzo na den temaba jenjang ngua lir.