British comedian Caroline Aherne alima nungi pilaogo

London, July 03 (Agencies): Award angur aser actor-comedian, Caroline Aherne cancer agi shiranaga aliba sülen alima nungi pilaogo. La arishi küm 52 liasü.
La atema otongdar Neil Reading-i, Bafta award angur kaketzülur Caroline Manchester nung lar kidang süogo ta ahiba osang theguardian.com. ajanga metetdaktsü.
Neil-i, “Caroline Aherne cancer tashitak den kanga tasü ita raraba sülen süogo. Bafta award angur kaketzülur aser asayamenü actor tanep yakta Timperley, Greater Manchester nung lar kidang asü. La arishi küm 52 liasü,” ta metetdaktsü.
Aherne-i küm ana tejaklen la tepokpok cancer atema teyari agidar ta sangdonga liasü.
La tasodang nungi la dak retina cancer keter aso aser poktsütem cancer atemaa la treatment agia liasü.
Lai shilem agiba film tem-1997 küm “The Mrs Merton Christmas Show” ajanga Best Talk Show Bafta awarad angu aser 2000 küm den 2007 küm “The Royle Family” ajanga Best Sitcom award angu.