British nunger actor George Cole süogo

August 07, 2015: TV aser film nung küm 70 shilem agia arusang, George Cole shiba 1979 nungi 1994 tashi British comedy-drama series ‘Minder’ nung Arthur Daley ama küm 16 tongti shilem agiba ajanga nübur aikati meteta aküm, pa arishi küm 90 nung süogo.

Agent Derek Webster ajanga pa asüba osang metetdaktsüba mapang pai, “Ni kü mulung kanga raksaa kanga dang nüngtugu actor asüba osang jangjatsür,” ta ashi.

“George Cole ya mapang tatsüka shiranga lir Bodbar nü Royal Berkshire mozü kidang kinüngtsü, Penny aser jabaso, Toby na pa yipten anasa lia asü,” ta pai ashi.

1963 küm pa ‘Cleopatra’ film nunga Elizabeth Taylor, Richard Burton aser Rex Harrison nunger den külemi shilem agia liasü.

Pa Royal Air Force nung inyakba ajanga 1944 nungi 1947 tashi film kecha nunga shilem magiteti arur. Iba mapa inyakba atema 1992 küm pa nem OBE award ka agüja liasü.

Pa kinüngtsü Penny Morrell ya-a British actress ka lir.