British nunger mathematician Andrew Wiles-i ‘2016 Abel Prize’ agütsütsü

British nunger mathematician Andrew Wiles arishi küm 62 tain nem 2016 ‘Abel Prize’ sempet agütsütsü March 17, 2016 nü sangdongogo.  Pai küm noklang junga meinyaktet aliba koba dang ‘hypothesis (equation), Fermat’s Last Theorem’ ta ajar, iba ongkoji adoktetba (solved) ajanga Norwegian Academy of Sciences & Letters-i iba sempetji agütsütsü shimtetogo aser ibaji Crown Prince Haakon-i taküm May ita nung agütsütsü.

Andrew Wiles ya April 11, 1953 küm Cambridge, England nung aso. Pa ya University of Oxford and specialises in number theory nung Royal Society Research Professor ka lir. Andrew-i 1974 küm mathematics nung bachelor’s degree,  Merton College, Oxford nung angu aser PhD,  Clare College, Cambridge nung 1980 küm takok angu. 1988 nungi 1990 tashi Oxford University nung Royal Society Research Professor inyaka liasü. Ano tanaben 2011 küm nung Oxford University nung Royal Society Research Professor inyak.

Küm shia iba sempet ya ongko junga inyakteter nem agütsür. Iba sempet ya Norway nunger Ongko mongin Niels Henrik Abel nüngtem nung Norway sorkar-i 2001 küm nungi agütsür. Iba sempet nung senpet sen million 6 Norwegian kroner (NOK) (600,000 Euros) dena lir. Yaküm 2015 nung  US nunger John F. Nash Jr.  aser US/Canada nunger Louis Nirenberg nati iba sempet agizük aser 2007 küm India nunger America nung alir R. Srinivasa Varadhan-isa kasa sempetji agizüka liasü.