Britney Spears, Alicia Keys-i Apple Music Festival nung shilem agitsü

August 25, 2016: Taküm Apple Music Festival nung tongti shilem agitsüpur rongnung Britney Spears aser Alicia Keys nunger densema lir.
Iba nüngtugu festival ya taruba ita (September 16) London nung aliba Roundhouse nung akatsü aser 10buba festival nung kentener aikati shilem agitsü.
Iba festival nung shilem agitsüpurtem tenüng Brihostibarnü (August 25, 2016) sangdongogo aser parnok rongnung Britney densema lir.
Iba dak sentakba nung Britney-i, “London-i meyipa aotsü ni kanga yongyar, iba tesem ya ni kanga semdangner aser Apple Music Festival nung shilem agitsü atema yongar. Iba ya küm 10 ajungbamong  lir,” ta ashi.
Taküm küm festival nungsa Bastille, Calvin Harris, OneRepublic, Michael Buble, The 1975 aser Robbie Williams  nungeria shilem agitsü, aser iba sentongji linük 100 nungi Apple Music züngsemtem dangi iPhone, iPad, iPod touch, MAC, PC, Apple TV aser Android phones ajanga live yoktsü.
Ano külen Alicia-ia, “Ni London meimer aser Roundhouse nung shilem aginer! Nenok yangji ajurutsü ni yongyaseter,” ta ashi.
Elton John-ia, “Roundhouse nung shilem agitsü atema ni yongyar. Ni London meimer aser Apple Music Festival nung ni sapurtem den ibaji lemsateptsü jangrar,” ta ashi.
Apple Music Festival ya Sept.18 nü nungi September 30, 2016 nü tashi akatsü.