Britney Spears den kibong kümer alibato khenyongi balaka: Kevin Federline

Los Angeles, June 19, 2016 : America nunger tsüngsanger, rap ken atener aser actor Kevin Federline-i pa kentener Britney Spears den kibong kümer alibato khenyongi balaka liasü, ta rakpoka shiogo.
Tena ya 2004 küm kibong aküm saka küm ana sülen pila.
VLAD TV den interview agiba mapang Spears den tanur Jayden James aser Sean Preston na sosema alisang arishi küm 38 tain, Federline-i, tena tsüngdang tesentaktep bilemba dang nungi onsara balaka liasü, ta ashiba mirror.co.uk osang ajanga metetdaktsü.
“Libaliro yimya khenyongi balaka liasü. Mapang shia tesem balala len jajadang teti nisung 20 shii anogo tepiyong meketbangersa senzü. Asen taküm libaliro ajak tangar nem sadaka ngudaktsü,” ta pai shisem.
“Ni tatalokba ajak kodang meyipa reprangdangdir balaka bilemer,” ta pai ashi.