Britney Spears-i democratic candidate Hillary Clinton ajuru

February 21, 2016: Pop kentener nüngtugu, Britney Spears-i US democratic candidate Hillary Clinton Las Vegas nung ajurua liasü, ajisüaka lai akokba tashi agi Clinton meyaritsü akok.
Tawa Las Vegas show nungi anisüngzükba mapang ka nung Britney Spears-i Hillary Clinton ajurua, ajisüaka tang tashi nungbo lai Clinton akokba tashi agi yaritsü ta jembia mali.
Tena ajurudang tangokba noksa ka Spears-i lemsatepogo, ajisüaka lai Clinton indang official campaign hashtag, #ImWithHer ta asüba original caption bo agienogo.
Spears-i noksa denji külemi, ‘#PieceOfMe atema Vegas nung amungba ya kuli aika ajanga jangaratemtsüka lir. Talisa tali ni @HillaryClinton ajurutsü maongka anguba ajanga jangratemer!!’ ta zülu.
‘Kanga ajungmesor ka aser alima nung aliba tetsürtem atema ola tajung!!! Iba tetsür aliba ya metet-meteter aser la ajurutsü maongka anguba atema pelar!!!’ ta laisa ashi.
Ajisüaka E! News ajanga ashiba agi, ghonda ishika tsüngda Spears-i Clinton indang election nüboyim hashtag #ImWithHer agiena liasü.
Spears ama masü tanga nüngtugu nisung aikati 2016 Democratic candidate atema Clinton jakdaka pusemer.
‘Girls’ star Lena Dunham-i Clinton atema aiben nüboyimtsüogo, actor Morgan Freeman-ia la atema nüboyimtsür.