Britney Spears-i la indang kensep tasenba indang jembi

June 03, 2016: E! News den interview ka agidang Britney Spears-i la indang studio kensep tasenba atema jembiogo, küm asem sülen la indang kensep tasenbaji “my baby” asütsü ta lai metetdaktsü.

Brihostibarnü (June 2) arishi küm 34 pop kentener Spears-i, “Iba ya kanga jangratemtsüka lir… Ni iba project atema küm ka ser tesadang inyaka aruogo, küm ana jungüa, anungji iba ya ni atema tongtibang. Iba ya ‘My Baby’ lir,” ta ashi.

Spears indang tesüsabuba kensep ‘Britney Jean’ 2013 küm November ita nung sayaa liasü, iba sülenbo la Las Vegas nung mazüngi liasü.

Interview tasenba ya ken tasen ‘Make Me (Oooh)’ video tangokba mapang agi,aser iba ken ya la kensep tasenba nung atentsüa akok.

Tawa Spears-i 2016 Billboard Music Awards nung Millennium Award agizüka liasü aser iba sentong nung lai la greatest hits kenten rongnungi medley ka tena liasü.