Britney Spears-i ‘Make me’ ken sayaogo

Los Angeles, July 15 (Agencies): Kentener Britney Spears-i la meyong kensep tukububa nungi mezüng ken “Make me” sayaogo.
Britney-i iba ken sayaba ya Instagram aser Twitter ajanga Brihostibarnü metetdaktsü, ta aceshowbiz.com osang ajanga ashi.
Lai iba ken indang video nung la temang tobur ajungba kanga junga sayur aser la kou-a terepangtsü kanga junga mopung agi pongshishiba angur.
“Make me” ken indang video ya tan hopta tetenzüklen online ajanga leak asü. Iba video nung la lunga tebur tula masem aika tsüngsangba lir.
Britney Spears-i taoba mapang nunga lai ano tenüng magütsüi aliba kensep nungi “Private show” ken tera temai adoka metetdakja liasü.