Britney Spears-i sabang nungi tetsürtem tushi

September 02, 2015: Britney Spears-i Las Vegas nung ken atenba sabang nungi tesenteper tetsürtem tushiba sülen teburtem dang la temesüla mesepang, ta ashi.

Arishi küm 33 tain Spears meyong ‘Piece of Me’ kenten sentong nung lai iba o jembia liasü.

Lai, “Tetsürtem kang tobur tajung tesa lir, saka ni ochi ka shiti, teburtemi kü temesüla mesepang. Tetsürtem ni nenok kanga meimer,” ta shia liasü.

Britney aser taoba mapang tebuba Kevin Federline na tanur ana- arishi küm 9 jabaso Sean Preston aser arishi küm 8 jabaso Jayden Jamesna sosema lir.

La producer Charlie Ebersol den taküm küm tetenzülen pilaba sülenbo la shinga dena memedemer. Ajisüaka tena tang tashi tembar tajung amai lir, aser ashiba agi Charlie-i kibong akümtsü memulungba ajanga tena pilatsüsa aküm.

“Lai Charlie den kibong akümtsü asoshi mapang talangka nungi mepishia arur.

Tang ya lai ano tanur ka aginüa aliba mapang ka lir aser lai kibong akümtsü kanga jangrar.

Ajisüaka Charlie-i pa kechiba kibong akümtsü mejangrar’ar ibaji rakpoka mashir,” ta osang ka ajanga ashi.

Ano tanga osang ka ajanga, “Lai la tebilemtsü tema mazüokteter. Anungji Charlie-i la den sosema akümtsü arendaka liasü. Ajisüaka lai pa sang nung shitaktsü amai yua liasü,” ta ashi.