August 01, 2016: Kentener Britney Spears-i Taylor Swift kodanga majuru aser lai, ‘Bad Blood’ ken atenla (Swift) melenbo lai Katy Perry den ang tayimtsü nung mener mapang talangka senzütsü, ta ashi.
Arishi küm 34 kentener aser kenzülur, Britney-i, Swift tena kodanga majuru ajisüaka la taoba mapang ‘Rise’ ken atenla khenpiga ajurua liasü, ta asi.
KIIS radio den jembidang Spears dang, nai ghonda 24 tayimtsü nung nisung ka den külemi senzütsüsa kümra la Swift asü Perry den senzütsü ta asüngdang.
Ibaji langzüa Spears-i, ‘Ni memetet! Ni memetet, ibaji shimtsü kanga saaker. Tenaprong junger. Ni memetet,” ta langzü.
Laisa, ”Smurfs’ movie sayadang ni mapang tatsüka Katy Perry ajuruogo. Ni Katy Perry ajuruogo, ibaji ajanga ni Taylor Swift shimer südi, kechiyong ni tesüiba mapang la kodanga majuru,” ta ashi.
Ajisüaka ‘Hit Me Baby One More Time’ ken atenla Spears-i 2008 küm MTV Video Music Awards mapang arishi küm 26 la den külemi noksa tangoka lir.
Taoba ita Britney-i mezüngbuba single ‘Make Me’ sayaa liasü, aser iba kenji US Billboard Hot 100 chart jenjang 17 nung liasü.
Lai indang studio kensep 9buba indang single ‘Make Me’ ken nung rap kentener G-Eazy-ia shilem agia lir.
Spears-i, ”Pa dak tesüngmangtsü sempet lir. Pai iba ken nung rap atenba ajanga jenjang tasen ka angu,” ta ashi.
Britney-isa, la indang taruba video omen ji ‘tetsürtem tashi’ nung ajemdaker yanglutsü, ta ashi.
Britney indang taruba kensepji ‘B9’ lir aser iba kensepji taküm küm tatemlen sayatsü.
You must be logged in to post a comment Login