Britney Spears ‘Millennium Award’ angutsü

Las Vegas, May 5, 2016 : May 22, 2016 nü kentener Britney Spears kanga dang akhümket ‘Millennium Award’ agizüktsü renema lir.
Britney Spears küm 20 kentena arudang lai atenba ken aika chart temaba jenjangisa tuogo aser music industry nung kanga takok ngua inyaktetba atema la nem iba tetushi agütsütsü lemtet, ta aceshowbiz.com osang ajanga metetdaktsü.
Kentener Beyonce Knowles aser Whitney Houston natia tesüiba mapang iba akhümket sempet ya agizükogo.
Tan la nem iba sempet agütsüba sentong nung Spears-i ken ajanga shilem agitsü. Iba sentong nung lai tesüiba mapang tener aliba nüngtugu ken kar den ken tasenba meyoktepa ken ka kümer atentsü.
Lai ano memunui “Make me (Oooh)” kensep sayatsü sentong lir, ta olulu kar ajanga angashir.
2016 Billboard Music Awards sentong ya Ludacris aser Ciara nati ketdang asütsü aser Justin Bieber, Demi Lovato, Nick Jonas, Pink aser DNCE nunger shilem agitsü pur rongnung dena lir.