‘Broken Horses’ film France nung January ita sayatsü

Panaji, November 23 (Agencies): Director Vidhu Vinod Chopra-i Hollywood atema mezüngsüa yangluba ‘Broken Horses’ film France nung sayatsü.
“Iba film ya sangküm January ita France nung sayatsü sentong lir aser nüburtemi sapua reprangtsü kü timla lir,” ta Film Bazaar mapang Chopra-i pelaseta metetdaktsü.
‘Broken Horses’ film ya US aser Mexico arrtsülen raraba otsü lir.
Film nung Vincent D’Onofrio, Anton Yelchin, Chris Marquette, MarAa Valverde aser Thomas Jane nungeri tongti shilem agia lir. Taküm India nung iba film sayadang nüburtem nungi imlaba ama telangzüba maliasü.
Chopra-i ano memunui Amitabh Bachchan aser Farhan Akhtar nati tongti shilem agiba “Wazir” thriller film sayatsü sentong lir.