Bronze medal asaya: India tsürtemi tamakok ajuru

Darwin, June 04 (Agencies): India tsürtemi tamakok ajurua, tang tasayadak Women’s 4-Nation Invitational Tournament asayamong bronze medal agizüktsü jenjang mongutettsüsa tanü, Honibar nü tia ajuruogo.
Japan tsürtemi tanü points 2-1 agi India telok madak takok ngua tan asayamong indang bronze medal agizüktsü jenjang angu.
Tanü asaya tenzüker mezüngbuba minute 5 tashi nung India tsürtemi kanga junga asaya saka iba sülen Japan tsürtemi India telok den temaba jenjang nung asayatsü tenzük.
Tesülen, asaya tenzüker minute 37 buba nung Vandan Katariya-i field goal ka agüja par India telok temaba jenjang nung ajungkettsü.
Ajisüaka, Motomi Kawamura-i goal ka agüja par Japan o India telok na sako jenjang kümdaktsüba sülen asaya tenzüker minute 42 buba nung Minami Shimizu-i 2 buba aser takokba goal agüja par Japan nem takok ngudaktsü.