January 31, 2016: Taoba mapang football asayar nüngtugu David Beckham aser kentener Victoria Beckham na jabaso arishi küm 16 Brooklyn Beckham fashion house Burberry atema photographer mapa nguogo.
Tamalen Brooklyn-i iba brand atema-a model süja lir.
Honibarnü pa London yimti lenmang nung Burberry indang ‘This Is Brit’ fragrance campaign atema noksa tangokja angu.
Tan hopta tetenzüklen Brooklyn-i Instagram ajanga, ‘Asüng @Burberry campaign atema noksa tangoktsü jangrar. Parnok indang Instagram & Snapchat nung live reprangtettsü,” ta shia liasü.
The Mirror osang den jembidang osang ka ajanga, “Burberry-i Brooklyn nübu agibaji maongka tulu. Pa arishi küm 16 dang, ajisüaka par tsüraburtem, pei maparen nung takok anguba kibong ka nungi intetba ajanga pa küm nung tanur süaka maongka ngutetogo,” ta ashi.
Brooklyn shimbaji par tsürabur nüngtugu asüba ajanga ta jembidar, ajisüaka Burberry tongti, Christopher Bailey-ibo Beckham mapa agi temelung asüba indang jembiogo.
You must be logged in to post a comment Login