Bru tribal nisung 1,111 Mizoram nungi lir ta ngutetogo

Aizwal, November 07 (Agencies) : Tanü Hombarnü Mizoram ketdangsertemi 1,111 Bru tribal temji Mizoram nungi Khakchangpara, North Tripura nung jenoka alirtem ta jangjaogo aser parnok pei tesemi meyipa arutsü temelaba agütsüogo.
Taoba mapang Bru nunger kibong 578 nungi nisung 3,849 tashi Mizoram nungi lir ta Asapara relief camp nung nguteta liasü. Iba camp ya November 2 nungi 5, 2016 tashi agia liasü.
Relief camp ana nungi, tan ya zünga Bru refugee 4,960 aliba nguteter.
Hamsapara nung Bodhbar aser Brihostibar anogotem nunga ano refugee tem kong nungi aruar jangjaba sentong akatsü.
Mizoram sorkari Tripura nung aliba relief camp trok nungi  Bru kibong 3,445 meyipa arudaktsütsü benokogo aser iba mapa November 30, 2016 nü nungi tenzük.