Bruno Mars tour ticket gondha ka nung million 1 ayok

Los Angeles, November 24, 2016 : Grammy award angusang kentener Bruno Mars 24K Magic World Tour indang ticket khenü nung million ka dak tema ayok.
Mars Europe aser North America sema kenten sentong agia jajatsü osang Hombarnü metetdaktsü. Iba osang memetetdaktsü tsüngda pai American Music Awards nunga shilem agi aser camera jakdang minute 60 interview ka nung aden. Küm pezü tashi pa den interview magi aliba sülen tan mezüng agirba lir, ta billboard.com osang ajanga ashi.
24K Magic World Tour sentong nung show tasen 15 inoksemba ajanga sentong ajak agi 100 kümogo. New York City tesem kija nung kenten sentong 5 agitsü, London O2 Arena nung 4, aser Los Angeles Forum, Inglewood, California nunga pezü agitsü renema lir.
“Uptown funk” ken kanga nüngtugu küma tentetsang, Mars indang tour ya March 28, 2017 nü nungi tenzüktsü aser November 11, 2017 nü tembangtsü.