BSF-i ano Pakistan nunger rong ka apu

Ahmedabad, October 05 (Agencies): Tawa Gujarat tzüyimküm nung Coast Guard sepaitemi Pakistan nunger rong ka nung Pakistan nunger teku apuba sülen hopta ka tsüngda Bodhbarnüa Border Security Force (BSF) sepaitemi Pakistan nunger rong ka puogo.
BSF ketdangsertemi rongji Sir Creek nung apu. Iba ayong ya Pakistan’er Sindh province aser Gujarat, Rann of Kutch na tsüngda lir.
Security sepaitemi rong den parnok teku puogo.
Osang ajanga angazükba agi, BSF ketdangsertemi India nunger tzü nungji angopur rong ka angu, iba sülen sepaitemi parnok apu.
Tang Pakistan nunger tem dangji asüngdangyadagi.
India amry temi PoK nung kiralongrartem tesep amakba sülen Pakistan o India na tsüngda tensa kanga mejungi aliba mapang ka nung Pakistan nunger rong anabuba apur.
October 2 nü Indian Coast Guard rong ‘Samudra Pavak’-i Gujarat tzüyimküm nung Pakistan nunger rong ka den parnok teku pua liasü.
Ano anogo ana lir October 4 nüa BSF sepaitemi Punjab, Gurdaspur district nung Pakistan nunger rong ka angu.