BSF-i Bangladesh arrtsü anasa FICN aika apu

Guwahati, April 17 (Agencies) : Guwahati Frontier nungi BSF sepaitemi India-Bangladesh arrtsü anasa Indian Currency Notes (FICN) aika apu.
India-Bangladesh arrtsü anasa yimtsüng ka nung sen lakh 1.5 shi alangba FICN apu, ta BSF-i Deobarnü metetdaktsü.
Osang tejangja kar angazükba sülen BSF aser police telok kati Jordanga yimtsüng mita aodang Abdul Kalam’er kidang FICN apu. Iba yimtsüng ya Bangladesh arrtsü nungi kilometer 1.5 shi pilar lir, ta BSF ketdangser kati ashi.
Kalam apuba sülen yimdaklirtemi parnok amak ta BSF ketdangsertemisa ashi.
Yimdaklirtem jagi sepaitem dak teka sangshi aser sepai ana tashiyim agi sota ayu. Nisung karibo BSF indang prangpongtem rakzüktsü merang, saka sepai talila aoba sülen tensaji azüoktet, ta ketdangserisa shisem.
FICN ji police ket nung agütsüogo aser sepaitem amaker anema FIR ka benokogo, ta BSF-isa metetdaktsü.