BSF-i tim mesüi tetsür chanu dak benshiba atema apu

Aizawl, October 16 (Agencies): Mizoram kübok Sairang yimtak aliba ayong ka nung tetsür ka tzü chigua alidang BSF spai anati tim mesüi reprangba atema tenaprong puogo, ta tanü police-i ashi.
Yashi tetsürlaji tzü chigutsü atema ayong kati ao, iba sülen la apu anasa tzü chigudang BSF sepai ana- jawan ka aser havildar ka nati la tim mesüi reprang.
Iba apu anasa BSF camp ka lir. Tetsürla jagi iba tatalokbaji tsürabur dang ashiba sülen yimtak taintemi anasa aliba Sairang police station nung ken o ka agütsü.
Sepai anaprongji apuba sülen judicial ket nung lir, ta Aizawl district SP, Lalhuliana Fanai-i metetdaktsü.
Aizawl anasa aliba Sairang nüburtemi ibaji anema tanü longkak aita liasü.
Fanai-i ashiba agi, longkak aitba mapang mepetmesü kecha matalok, ajisüaka police-i Lengpui airport anasa Tlawng apu nung loktiji nokdanga liasü.