BSNL-i Bharat Fiber broadband plan tasen sangdongogo

Aenjeti/January 12, 2020 (Agencies): India nung Bharat Fiber Broadband customers atema Bharat Sanchar Nigam Limited (BSNL)-i broadband plan tasen ka sangdongogo. Iba plan jenjang sen 1,999 asütsü aser broadband plan tasenba ajanga users nem 1,500GB data aser 200Mbps speed agütsütsü. Aenjeti/January 12, 2020 (Agencies): India nung Bharat Fiber Broadband customers atema Bharat Sanchar Nigam Limited (BSNL)-i broadband plan tasen ka sangdongogo. Iba plan jenjang sen 1,999 asütsü aser broadband plan tasenba ajanga users nem 1,500GB data aser 200Mbps speed agütsütsü. Tang shishilembadak, BSNL indang plan tasenba yagi Reliance JioFiber indang sen 2,499 alang broadband plan den tokteptsü. Iba plan ajanga 1.25TB data den 500Mbps speed agütsür. Ajisüaka, iba plan sayaba shilem ka ama, Jio-i users tem nem 250GB data agütsür aser aji ita trok atema sen 2,499 plan amshitem atema agütsütsü. BSNL user tem atema sen 1,999 Bharat Fiber Broadband plan dak sendakba kar yamai alitsü:* BSNL indang sen 1,999 plan tasenba ya teshimtet yimtitem nung angutsü. BSNL-i iba plan ya Chennai aser Telangana telungtet nungang introduce süogo. * Sen 1,999 alang Bharat Broadband plan ajanga 200Mbps data speed den külemi 1,500GB tashi agütsür. User temi 1,500GB data ajak tema amshiba sülen, internet speed 2Mbps tashi ajema akümtsü. * Iba plan shilem ama, India telungtet nung network mashi dangi users temi unlimited voice calling sütettsü. * BSNL-i ashiba agi, sen 1,999 Bharat Broadband plan ya anogo 90 atema dang alitsü. Iba plan January 8, 2020 nungi agütsü tenzükogo aser April 6, 2020 tashi amshitettsü, iba sülen users temi plan tanga kati melentsüla. * Bharat Broadband plans shilem ama BSNL-i Amazon Prime subscription agütsütsü. Ajisüka, Amazon Prime subscription ya plan nung agütsütsü asoshi company ajanga osang tejangja ka sangdonga mali.