BSNL-i ita shia Data 300GB tashi agütsür

New Delhi, April 12 (Agencies): Reliance Jio telecom shishilembabai ayaoka aiter külen nungi telecom operator ajak data jenjang rara nung densemogo.
Iba tetoktepba nung densema BSNL puri customer tem nem offer kanga tajung agütsütsü asoshi sangdongogo. BSNL-i BB Unlimited 249 plan amenlokogo koba nung customer-temi ita nung sen 249 dang agütsür 300 GB data download sütettsü.
BSNL website ajanga ashiba agi, Unlimited BB249 plan promotional basis nung 31-03-2017 tashi angutsü, saka BSNL executive kati iba sentong ano ita ana tashi atsülangtsü, ta ashiba osang ka ajanga metetdaktsü.
Plan balala indang tejangja osang yamai alitsü:
Bandwidth (Download Speed): GB 1 tashi 2 Mbps aser iba sülen 1 Mbps.
Iba plan circle ajak nung customer tasentemi amshitettsü (J&K aser Andaman & Nicobar medeni)
Ita shia taa: Mezüng ita 6 atema sen 249 aser iba sülen iba plan ‘BBG Combo ULD 499’ plan-i melenadoktsü.
Ita shia Download/Upload Limit (MB/GB): Unlimited
Security Deposit: ita ka taa
Minimum Hire Period: ita ka
Talila sentongtem: Aonung 9 nungi anepdang 7 ako tashi angati tanenmakai jembitettsü aser Deobar ajak nung India nung aliba network ajak den jemitettsü.
Unlimited Broadband 249 plan amshiyim:
a) Iba plan ya Broadband customer tasenpurtemi dang amshitettsü.
b) Iba plan ya jenjang kasa nung FTTH nunga angutsü.
c) Promotional period nungbo amenlokba taa magitsü.
d) Tanga tanungba jenjangtem kasa dang asütsü.