BSNL-i landline broadband speed 2 Mbps kümdaktsütsü

Gurgaon, Haryana nung September 07, 2015 nü Communications & Information Technology Union Minister, Ravi Shankar Prasad-i “BSNL Landline Broadband Speed Upgrade” tenzüktsüba sülen osangbenertem den jembiba noksa nung angur. Noksa nungsa Minister of State for Planning (Independent Charge) & Defence, Rao Inderjit Singh-a angur.

 New Delhi, September 7 (Agencies): Sorkar meyong Bharat Sanchar Nigam Ltd (BSNL)-i, October ka nü nungi landline broadband speed tajemba agi 2 Mbps tashibosa kümdaktsütsü saka broadband amshirtem dang sen talila memeshitsü, ta Hombar nü metetdaktsüogo.

Iba den külemi parnoki broadband amshirtem nem tang 50 MB e-mail box agüja aliba ya angati 1GB kümtsütsü ta shiogo.

Broadband tekaraba akümba ya tang BSNL broadband amshirtem aser tasentem ajak asoshi lir, ta BSNL sangdong ka ajanga ashi.

BSNL-i 2005 küm speed 256kbps nungi tenzüka India nung broandband service agüja arur. Ajisüaka tang nungibo speed 512 Kbps aser 1 Mbps kümer alibaji ano 2 Mbps kümtsütsü, ta sangdong ajangasa ashi.

Iba terenlok ajanga internet amshirtem nem tajangshiba tajung agütsütsü aser ano customer tasena atsüa arutettsü, ta kasa sandong ajanga ashi.