BSNL-i mobile call rates 80% agi ajemtsütsü nangzüker

New Delhi, December 20 (Agencies): BSNL telecom teloki nübur maneni puatsü nükjidong nung taruba 2016 küm mezüngbuba ita 2 tashi mobile call rate noklang nung shilem 80 agi ajemtsütsü renema osang ka metetdaktsüogo.
“BSNL-i BSNL connection amshir nisung tasentem atema mobile call rate shilem 80 agi ajemtsütsü renemogo,” ta BSNL Chairman & Managing Director, Anupam Shrivastava-i metetdaktsü.
“Tan renemba per minute aser per second call rate ajemtsütsü mapatong ya taruba 2016 küm ita mezüngbuba 2 atema dang alitsü,” ta pai osang jangjashitsü.
BSNL connection tasen agirtemi per second plan atema sen 36 jenjang aketba plan voucher aser per minute plan atema sen jenjang 37 aketba plan voucher alitsüsa akümtsü.
Sen 37 jenjang plan amshirtem nungi tanga BSNL connection den tongtepratepba minute shia paisa 10 aser tanga network den tongtepratepba minute shia paisa 30 agitsü.
Ano, sen 36 jenjang plan amshirtem nungi tanga BSNL connection den tontepratepba second shia paisa 1 aser tanga network den tongtepratepba second shia paisa 2 agitsü.
BSNL-i social media balala amshia timtem ajurushir BSNL connection amshirtem yaritsü tenzüka lir.
Taküm 2015 September ita tashi nung BSNL connection amshir nisung million 79.6 aliba osanga bushitetogo.